Sauto-voulame
Chondrilla juncea
Asteraceae Compositae
Àutri noum : Cantoulamo, Mauguié, Sauto-mourre, Berenchié, Lachet.
Noms en français : Chondrille à tiges de jonc, Chondrille jonciforme.
Descripcioun :Lou sauto-voulame es uno planto coumuno d'ermas. L'estiéu se recounèis à sa cambo redo que porto quàuqui fueio e de flour jauno coumpausado e pulèu longo. L'ivèr la rouseto rèsto contro lou sòu ; li fueio soun descoupado emé de tros en arc de ciéucle que parton vers lou cèntre de la rouseto. Ramentan qu'èi talamen duro qu'empachavo li meissounié de sega lou blad : "L'ourame te lou fasié fila de coustat. Resquihavo sus la tijo" (Louis Garcin in MADON O., op.cit.).
Usanço :Es uno bono erbo de l'ensalado champanello que fau acampa quouro li fueio de la baso soun pancaro secarouso. Se soubro la tijo de l'an davans, sara eisa de la recounèisse (fotò).
Port : Grando erbo
Taio : 0,3 à 1,2 m
Fueio : basalo
Tipe bioulougico : Emicriptoufite
Cicle bioulougico : Planto renadivo
Gènre : Chondrilla
Famiho : Asteraceae
Famiho classico : Compositae
Tribu : Cichorieae
Ordre : Asterales
Coulour de la flour :
Jauno
Petalo : >6
Ø (o loungour) enflourejado : 1,5 cm
Flourido : Printèms
- Estiéu
Sòu : Ca
Autour basso e auto : 0 à 1700 m
Aparado : Noun
Remarco : Ensalado champanello
Juliet à óutobre
Liò : Champ
- Ermas
- Camin
Estànci : Termoumediterran à Coulinen
Couroulougi : Éurasiatico-Cèntre-Ouèst
Ref. sc. : Chondrilla juncea L., 1753
Féuse(-óudourant)
Allosorus acrosticus
Pteridaceae Adiantaceae
Nom en français : Cheilanthès acrostic.
Descripcioun :Lou féuse-óudourant trachis dins li roucaio e li roucas cauquié de basso Prouvènço sus li pendis ensouleia. Se destrìo dis àutri féuse proche emé si foundo sènso péu dessouto e si fausso endusìo blanco di bord franja.
Usanço :Couneissèn pas d'usanço particuliero pèr aquelo planto. Escriéure au site se n'en sabès mai.
Port : Pichoto planto lignouso
Taio : 5 à 15 cm
Fueio : Foundo
Tipe bioulougico : Emicriptoufite
Cicle bioulougico : Planto renadivo
Gènre : Allosorus
Famiho : Pteridaceae
Famiho classico : Adiantaceae
Ordre : Polypodiales
Coulour de la flour :
Ges de flour
Petalo : ges
Ø (o loungour) flour : Pancaro entresigna
Flourido : Printèms
Sòu : Ca
Autour basso e auto : 0 à 900 m
Aparado : Noun
Abriéu à jun
Liò : Roucas
- Roucaio
- Esboudèu
- Baus
Estànci : Termoumediterran à Subremediterran
Couroulougi : Paleoutroupicalo
Ref. sc. : Allosorus acrosticus (Balb.) Christenh., 2012